कामांधांच्या कळपात

टँक्सिवाला, रिक्शावाला, शिक्षक
डॉक्टर वा कुणी परिचित
हिंस्र श्वापदांच्या घोळक्यात
माझं लेकरू पोलक्यात...

क्रिडा शिक्षकाकडून विनयभंग
आश्रम शाळेत अत्याचार
स्कूल बसमध्ये छेडछाड
अपहरण, अँसिड, बलात्कार

माझी लेक फिरतेय
रानटी कामांधांच्या कळपात...

रस्ते, शाळा, आवार, बाजार
पावलो पावली सापळे शिकार
उंबऱ्याबाहेर काट्यांचे फास
षंढ समाज, बघे हजार

तुझं मात्र बरंय साल्या
तु पोराचा बाप...
तु बिनधास्त, पोरगा बिनधास्त
इथं जिवाला घोर रोजचाच...

माझी लेक फिरतेय
रानटी कामांधांच्या कळपात...

(संतोष डुकरे, पुणे)

👆 परममित्र गणेश कोरे व त्याची लाडकी लेक सई यांना समर्पित 😔